清真牛肉餅
March 4th, 2010 by taris
去過九龍城清真牛肉館，一定會試過馳名嘅清真牛肉餅，今次等我挑戰吓先！
嘩~金金黃黃都唔太差~
切開睇吓~
幾juicy喎~
老公都讚呀哈哈，雖然又要搓皮又盛都花心機，但老公食得滿足就抵返晒啦^^
最鐘意跟果d懶係容易嘅recipe，有興趣試吓^^
Posted in 美味攪作
5 Comments »
小陳家族
小陳家的生活點滴
Another Cooking Day
March 3rd, 2010 by taris
熱熱地，老公話想食冷麵喎，正！簡單又少功夫~
蕎麥麵配鹽燒秋刀魚，快靚正~
下午茶時間，最歎果個係柔柔~
點解？！
十粒提子，每粒一開四，去皮去籽丫唔該~
媽媽從來唔鐘意食提子，因為冇人幫我開邊去皮去籽>.<
唔知到媽媽老掉牙，柔柔會唔會幫媽媽去皮去籽呢？
七三分賬
March 2nd, 2010 by taris
兩口子雖然愛「品味葡萄」，但每每總是不能把整整一支紅酒倒進肚子，畢竟是「品酒」不是「隊酒」嘛，怎麼辦？！
用七成來煮餸，剛好完成這味
邪惡紅酒繪牛尾飯，讚~
還有三成，正好成為餐酒好好品嚐^^
雖然邪惡牛尾唔難整，但都幾花時間，出街食又多一味餸覺得「抵叫」呵呵~
期待的三月天
March 1st, 2010 by taris
三月對小陳家黎講忽然變得好重要，因為小寶貝生日了~
好多愛錫柔柔的朋友都問我點幫柔柔攪生日會，其實早起柔柔幾個月大媽媽已經幫佢諗緊，諗來諗去，越近佢生日，反而變得越唔想攪生日會了~
或許覺得這個小孩子真的太幸福（其實是現今的小孩子），太多人愛錫，玩不盡的玩具，數不盡的禮物，還有衣櫃裹穿不盡的衣服。
不想再去舉行一個call-for-presents的生日會，因為知道即使叫大家「不用送禮物了」，大家仍然忍唔到手（因為我自己都一樣>.<）。
如果可以，等柔柔識行識走，希望每年佢生日可以同佢預備小禮物送俾身邊嘅人（今年爸媽幫你預備少少啦），最好可以探探孤兒院之類，讓柔柔知道生日唔係問人拎禮物，而係「施比受更為有福」。
謝謝關心愛錫柔柔的你，有天可能柔柔會將你送嘅禮物捐贈有需要嘅人，希望大家唔好介意~
學習分享，學習珍惜，學習施予，或許是她一生最受用的生日禮物。
Posted in BB保你大
